Mujh Ko Bhi Madina Mere Sarkar Dikha Dein
Inn Aankhon Ko Apna Kabhi Dedar Kara Dein
Chahein Jo Agar Aap Tu Kya Kya Nahi Hota
Ya Shah-e-Ummam Mera Muqadar Bhi Jaga Dein
Galiyon Mein Madine Ki Parhon Naat Main Aaqa
Dein Izn-e-Safar Our Mujhe Taufeeq-e-Sana Dein
Woh Dil Bhala Dunya Ki Taraf Kaisay Ho Mayal
Jis Dil Mein Hoon Sarkar-e-Madina Ki Hi Yadein
Dar Dar Pe Bhataktay Hoye Insano Se Keh Do
Aa Kar Dar-e-Sarkar Pe Sab Sar Ko Jhuka Dein
Kirdar Bananey Pe Jo Aaein Kabhi Sarkar
Qanbar Koi Buzar Koi Salman Bana Dein
Mangay Jo Koi Aaqa Se Hasnain Ka Sadqa
Oss Par Dono Hathoon Se Khazaney Woh Luta Dein
Ya Aaqa Yeh :HAIDER:-o-:ASAD: Ki Hai Guzarish
Hubdaron Ko Dunya Ke Har Ik Gham Se Chura Dein
- Asad Ali Asad -
