Baba Baba Baba
Baba Baba Ki Sakina Jo Sada Deti Hai
Qaid Khane Ko Azakhana Bana Deti Hai
Seena-e-Shah Pe Soney Ki Jo Aadi Thi Bohat
Maa Ossay Khak Ke Bistar Pe Sula Deti Hai
Sang Dil Kitni Hai Yeh Foaj Laeen Zadoon Ki
Pani Pyason Ko Dikhati Hai Baha Deti Hai
Husan-e-Yousuf Hai Tere Husan Pe Nazaan Akbar
Khud Qaza Bhi Tujhey Jeene Ki Dua Deti Hai
Shair Dil Maon Pe Dunya Ki Har Ik Maa Ka Salam
Kaun Maa Betay Ko Marne Ki Raza Deti Hai
Dekh Kar Soye Madina Yeh Pukari Zainab
Nana Ummat Teri Be Jurm Saza Deti Hai
Rah Mein Girta Hai Bacha Jo Zameen Par Koi
Khud Ko Naqay Se Nabi Zadi Gira Deti Hai
Ik Dukhi Maa Hai Jo Majlis Mein Sar-e-Farsh-e-Azza
Sab Azadaron Ko Ro Ro Ke Dua Deti Hai.
Yaad Darbar Ki Aa Jati Hai Jis Waqt SOHAIL
Qalb-e-Sajjad Ko Ik Zakhm Niya Deti Hai
- Sohail Shah -
No comments:
Post a Comment