Ya Ali Mola Ali Ya ALI Mola Ali
Hum Zikar-e-Ali Ki Sorat Mein Quran Sunaya Kartay Hain
Hum Loag Ghadeer-e-Khum Ja Kar Shajron Ko Sajaya Kartay Hain
Hum Buzar Ban Kar Detey Hain Mehfil Mein Azan-e-Ishq-e-Ali
Youn Kalma Goyon Ko Apna Eman Bataya Kartay Hain
Ayelan-e-Wilayat Ko Sun Kar Jitnay Bhi Munafiq Le Ke Gaye
Yeh Loag Saqeefay Mein Ja Kar Woh Bugz Chupaya Kartay Hain
Jo Bugz-e-Ali Mein Mar Jaein Islam Se Unn Ki Kya Nisbat
Le Ja Ke Farishtay Woh Lashein Dozakh Mein Jalaya Kartay Hain
Maula Ne Kajawon Ka Mimber Maula Ke Liye Banwaya Tha
Jo Oncha Suntay Hain Unn Ko Tasveer Dikhaya Kartay Hain
Chorein Gay Akela Mehshar Mein Woh Apne Muhibbon Ko Kaisay
Jo Sharbat Apne Hissay Ka Qatil Ko Pilaya Kartay Hain
Aaein Na Madad Karne Ko Ali Yeh Kaisay Mumkin Hai Yaro
Jo Nad-e-Ali Parh Kar Dil Se Maula Ko Bulaya Kartay Hain
Yeh Baat ZAFAR ABBAS ZAFAR Tum Nehj-e-Balaga Se Pocho
Maula Ke Yeh Aafaqi Khutbay Kis Kis Ka Safaya Kartay Hain
- Zafar Abbas Zafar -
No comments:
Post a Comment