Wawela Wawela Haider Rizvi
Talwar Chali Sar Zakhmi Hai Abbas Ke Baba Ka
Ro Kar Kulsoom-o-Zainab Bhi Deti Hain Yeh Hi Sada
Masjid Mein Namazi Pe Haye Muljim Ke Pisar Ne Waar Kiya
Haider Ki Halat Par Haye Har Aik Namazi Rota Tha
Maula Ko Dekh Keh Ro Ro Ke Masjid Se Shoor Utha
ALLAH Ke Banday Ko Haye Sajday Ki Halat Mein Mara
Masjid Mein Musalla Bhi Dekho Haider Ke Lahu Mein Doob Gaya
Haider Ke Lab Par Hai Aaya Fuzto Rab Al-Kaba
Larzaan Hai Falak Larzaan Hai Zameen Yeh Kaisi Qayamat Aayi Hai
Lagti Hain Azanein Bhi Noha Mehrab-e-Ibadat Roti Hai
Masjid Mein Musalay Ki Sorat Bichta Hai Farsh-e-Azza
Kofay Ke Yateemo Ke Sar Par Ab Hath Rakhay Ga Kaun Bhala
Inn Faqa Karne Walon Ko Ab Kaun Khilaye Ga Khana
Koi Bhi Nahi Leta Hai Khabar Seh Roz Ka Hai Faqa
Roti Hain Kahin BiBi Zainab Hasnain Tarap Kar Rotay Hain
Baba Ke Khali Bistar Ko Bas Bachay Taktay Rehtey Hain
Amma Bhi Nahi Baba Bhi Nahi Hai Kitna Bara Sadma
Zahra Ke Gharanay Par HAIDER AZLAN Qayamat Ke Din Hain
Sar Par Hai Yateemi Ka Saya Bachoon Pe Musibat Ke Din Hain
Hai Ghar Mein Ali Ke Sanata Ashor Ke Din Jaisa
- Arsalan Azmi (Azlan) -
No comments:
Post a Comment