Haye Abbas Haye Abbas
Laot Aao Darya Say Abbas Haider Rizvi
Laut Aao Darya Se Abbas Aye Mere Abbas
Bibiyon Ke Lab Pe Hai Yeh Har Ghari Noha Aye Mere Abbas
Kehte They Shabeer Jab Se Tum Gaye Ho Chor Kar
Aa Gayi Mujh Par Zaeefi Jhuk Gayi Meri Kamar
Bhai Ka Dushwar Hai Ab Do Qadam Chalna Aye Mere Abbas
Tere Jane Se Aye Bhaiyya Khush Hoye Hain Ahl-e-Shar
Our Kamar Ko Tham Kar Rota Hai Zahra Ka Pisar
Kar Gaye Ho Jab Se Ghazi Tum Humein Tanha Aye Mere Abbas
Bas Zarra Si Dair Mein Woh Ba Khuda Lutney Ko Hai
Tum Mohafiz Jis Ke They Ab Woh Rida Lutney Ko Hai
Kaisay Chadar Ko Bachaye Zainab-e-Kubra Aye Mere Abbas
Pani Laney Ke Liye Bhaija Tha Tum Ko Nehar Par
Tum Na Aao Gay Palat Kar Kab Ossay Yeh Thi Khabar
Roti Hai Bali Sakina Phaink Kar Koza Aye Mere Abbas
Lashkar-e-Aada Ke Andar Hai Khushi Ka Ik Samaa
Gir Nahi Jata Zameen Par Haye Kyunkar Aasmaan
Mil Ke Sari Bibiyaan Jab Karti Hain Giriya Aye Mere Abbas
Iss Qadar Tukray They Abbas-e-Jarri Ki Lash Ke
Be Basi Pochay Zarra Koi Dil-e-Shabeer Se
Chor Kar Aaye Hain Kaisay Bhai Ka Lasha Aye Mere Abbas
Aye HASAN Lasha Na Laye Bhai Ka Shah-e-Ummam
Rakh Diya Khaimon Mein La Kar Khon Mein Doba Alam
Hai Yehi Lasha Jarri Ka Kehte They Maula Aye Mere Abbas
- Hassan Kazmi -
No comments:
Post a Comment