Ye Sakina Ki Aai Sada Haider Rizvi
Yeh Sakina Ki Aayi Sada Sath Mujh Ko Bhi Le Jaiye
Ho Ke Jaein Watan Jab Reha Sath Mujh Ko Bhi Le Jaiye
Dekh Kar Mujh Ko Tanha Yahan Aap Ke Baad Aye Bhai Jaan
Roz Marein Gay Yeh Ashqiya Sath Mujh Ko Bhi Le Jaiye
Ghar Ki Yaad Aa Rahi Hai Mujhe Our Tarpa Rahi Hai Mujhe
Dam Hai Ghutta Yahan Par Mera Sath Mujh Ko Bhi Le Jaiye
Sath Jab Mujh Ko Paein Gay Woh Pani Mujh Ko Pilaein Gay Woh
Khush Bohat Hoonge Mere Chacha Sath Mujh Ko Bhi Le Jaiye
Roz Sughra Ko Waan Baith Kar Main Sunaon Gi Hal-e-Safar
Dil Behal Jaye Beemar Ka Sath Mujh Ko Bhi Le Jaiye
Door Unn Se Rahon Gi Nahi Hoonge Baba Yaqeenan Wahin
Chut Ke Jaein Agar Karbala Sath Mujh Ko Bhi Le Jaiye
Khak Par Main Bohat So Chuki Zakhm-e-Rukhsar Par Ro Chuki
Seena Mil Jaye Ga Baap Ka Sath Mujh Ko Bhi Le Jaiye
Boli Ro Kar HASAN Kazmi Laut Aaye Gi Teri Phophi
Jab Yeh Zainab Se Oss Ne Kaha Sath Mujh Ko Bhi Le Jaiye
- Hassan Kazmi -
No comments:
Post a Comment